Restaurar axustes de fábrica
Para restaurar o teléfono ás condicións de fábrica, seleccione Menú > Axustes > Recu.
axus. pred. e das seguintes opcións:
● Recuperar só axustes — para reiniciar a configuración sen eliminar información
persoal
● Recuperar todo — para reiniciar todas as preferencias de configuración e eliminar
toda información persoal tal como contactos, mensaxes, arquivos multimedia e
códigos de activación.
12. Menú operador
Acceda a un portal de servizos fornecidos polo seu operador de rede. Se desexa coñecer
máis información, póñase en contacto co seu operador de rede. O operador pode
actualizar este menú cunha mensaxe de servizo.
13. Galería
Xestione imaxes, videoclips, arquivos musicais, temas, gráficos, tons, gravacións e
arquivos recibidos. Estes arquivos gárdanse na memoria do teléfono ou nunha tarxeta
de memoria, e poden clasificarse en carpetas.
Carpetas e arquivos
Para ver a lista de carpetas, seleccione Menú > Galería. Para ver unha lista de arquivos
nunha carpeta, seleccione unha carpeta e Abrir. Para ver as carpetas da tarxeta de
memoria ao mover un arquivo, desprácese ata a tarxeta de memoria e prema a tecla
dereita de desprazamento.
Imprimir imaxes
O seu teléfono admite a impresión de imaxes en formato jpeg con Nokia XpressPrint.
1. Para conectar o seu teléfono a unha impresora compatible, use un cable de datos
ou envíe a imaxe usando Bluetooth a unha impresora que admita a tecnoloxía
Bluetooth.
Vexa "Tecnoloxía sen fíos Bluetooth", p. 30.
2. Seleccione a imaxe que desexa imprimir e Opcións > Imprimir.